Bakıev syrttaı 24 jylǵa sottaldy
ASTANA. 13 aqpan. QazAqparat - Bishkek garnızonynyń áskerı soty eldiń burynǵy prezıdenti Qurmanbek Bakıev pen onyń inisi - burynǵy memlekettik kúzet qyzmetiniń bastyǵy Janysh Bakıevke syrttaı úkim shyǵardy, dep habarlady Lenta.rý.
AKIpress agenttiginiń habarlaýynsha, olar ókilettigin asyra paıdalanǵany jáne basqa da qylmystary úshin aıyptalyp, syrttaı bas bostandyǵynan aıyrýǵa: burynǵy prezıdentti - 24 jylǵa, onyń inisi ómir boıy túrmede otyrýǵa kesildi.
Áskerı sottyń baspasóz baıanynda Bakıevterdiń ne úshin sottalyp otyrǵany naqtylanbaǵan. Degenmen, agenttik úkim prezıdent ákimshiliginiń burynǵy basshysy - Medet Sadyrqulovtyń qazaǵa ushyraý isine baılanysty shyǵarylǵan dep paıymdaıdy.
Medet Sadyrqulov prezıdent ákimshiligin 2007 jyldan 2009 jyldyń basyna deıin (Bakıevtiń bıligi kezinde) basqardy. Ol memleket basshysyna yqpaly kúshti «sur kardınal» atandy. Sadyrqulov 2009 jyly naýryzda qyzmetinen ketkennen keıin qaza boldy. Resmı nusqa boıynsha, ol jol-kólik apatyna ushyraǵan (Sadyrqulovtyń jáne onyń eki seriginiń deneleri órtengen mashınanyń ishinen tabyldy).Apatqa kináli dep tabylǵan (prezıdent ákimshiliginiń basshysy mingen mashınaǵa soqtyǵysqan degen boljammen) Ómirbek Osmonov deen bireý 12 jylǵa bas bostandyǵynan aıyryldy. Keıinirek jazasyn qonys-kolonııada ótep jatqan Osmonov óltirildi.
2010 jylǵy tóńkeristen keıin Qurmanbek Bakıev taǵynan taıdyrylyp, ol óziniń birneshe týystarymekn elden qashyp ketti. Qyrǵyzstannyń jańa bıligi Sadyrqulovtyń qaza bolýy týraly tergeýdi qaıta bastady. Resmı nusqa qaıta qaraldy: respýblıka ІІM prezıdent ákimshiliginiń burynǵy basshysy óltirilgenin jarııalady. Jańa nusqa boıynsha, ony óltirýdi uıymdastyrǵan prezıdenttiń inisi, memlekettik kúzet qyzmetiniń sol kezdegi basshysy Janysh Bakıev bolyp shyqty. Onyń buıryǵymen Sadyrqulov minip kele jatqan mashına toqtatylǵan, jolaýshylar qaıdaǵy bir saıajaıǵa aparylyp, burynǵy prezıdent ákimshiliginiń basshysy tunshyqtyrylyp óltirilgen, qasyndaǵy serikteriniń de kózi joıylǵan. Sodan keıin olardyń denesin jolǵa ákelip, mashınada qaldyryp, órtegen, sóıtip, jol apatyna teligen.
Tergeýdiń jańa nusqasyna sáıkes, Sadyrqulov oppozıtsııaǵa ketpekshi bolǵany úshin óltirilgen. Bul is boıynsha, syrttaı aıyptar Qurmanbek pen Janysh Bakıevke 2012 jyldyń qyrkúıeginde taǵyldy. Keıinirek, qarasha aıynda osy is boıynsha burynǵy kúsh-qýat qurylymdarynyń birneshe qyzmetkerleri sottaldy.
Osy qylmysty uıymdastyrýǵa qatysy bar Qurmanbek Bakıev ókilettigin asyra paıdalanǵany úshin aıypty dep tanyldy. Al onyń inisi kisi óltirgeni, qylmystyq top qurǵany jáne ókilettigin asyra paıdalanǵany, sondaı-aq kisi urlaǵany jáne ólgen adamnyń denesin qorlaǵany úshin aıypty dep tanyldy.
Qurmanbek Bakıev tóńkeristen keıin Berarýs eline panalady. Qyrǵyzstannyń jańa bıligi ony qaıtaryp alýǵa árekettengenmen odan eshteńe ónbedi. Keıbir málimetter boıynsha, Janysh Bakıev te Belarýsqa ornyqqan.
Qurmanbek Bakıevke Qyrǵyzstanda basqa da aıyptar (atap aıtqanda 2010 jyly sáýirde Aq úıge shabýyl kezinde búlikshlerdiń qaza bolýyna qatystylyǵy) taǵyldy. Alaıda sáýir oqıǵalary boıynsha sot isteri áli aıaqtalǵan joq.
