Bakıev 8 jyl burynǵy jappaı kisi ólimine qatystylyǵy úshin aıyptalýda
ASTANA. Qazannyń 27-si. QazAqparat - Qyrǵyz prokýratýrasy Qyrǵyzstannyń burynǵy prezıdenti Qurmanbek Bakıevti 2002 jylǵy Aqsý aýylynda bolǵan beıbit sherý kezindegi jaýdyrylǵan oqtan kóz jumǵan adamdardyń ólimine kináli retinde aıyptaýda. Bul týraly respýblıkanyń Bas prokýratýrasynyń resmı saıty habarlaıdy.
Alty adamnyń ómirin qıǵan Aksýdaǵy oqıǵa kezinde Bakıev respýblıkanyń premer-mınıstri laýazymynda bolatyn. Sol kezde narazylyq bildirýshiler Qytaıǵa aýmaqtyq jeńildikterge barǵan el prezıdenti Asqar Aqaevqa ımpıchment jarııalaýdy suraǵan depýtatty qýǵyndaýdy toqtatý týraly talaptar qoıǵan bolatyn. Depýtattyń soty bolatyn aýylǵa bet alǵan sherýshilerdi sol kezde OMON otrıady otty qarýdan oq jaýdyryp, qýyp taratty. Qurmanbek Bakıev sol kezde bolǵan oqıǵa týraly jaýapkershilikti moınyna alýǵa batyly barmaı, tek mınıstrler kabınetiniń basshysy laýazymynan ketken bolatyn.
