Baqdáýlet Aǵabek Ózbekstan balýanyn jeńip, U17 álem chempıonatynyń fınalyna shyqty
ASTANA. KAZINFORM – Ázerbaıjannyń Baký qalasynda kúres túrlerinen 17 jasqa deıingi sportshylar arasynda álem chempıonaty jalǵasyp jatyr.
48 kelige deıingi salmaqta erkin kúres sheberi Baqdáýlet Aǵabek jartylaı fınalda ózbekstandyq Farrýh Mahmýdovty 7:3 esebimen jeńdi. Osylaısha, qazaqstandyq balýan fınalǵa joldama alyp, sheshýshi beldesýde úndistandyq Aarıanmen kúsh synasady.
QR UOK málimetinshe, búgin, 31 shildede, 110 kelige deıingi salmaqta óner kórsetetin Saǵyndyq Temirǵalı de fınalǵa shyǵý úshin baq synaıdy. Onyń qarsylasy reseılik Magomed Omarov bolmaq.
Qazaqstan áıelder quramasynyń eki ókili Ázerbaıjannyń Baký qalasynda ótip jatqan U17 álem chempıonatynyń kezekti jarys kúninde fınaldyq kezeńge joldama alǵanyn jazǵan edik.
Álınur Tóleýǵalı grek-rım kúresinen U17 álem chempıonatynyń qola júldegeri atandy.
Dııar Amanáli grek-rım kúresinen U17 álem chempıonatynda altyn medal jeńip aldy.
