Baqaýov: Qurylys merzimi bir kúnge keshikse, merdigerlermen kelisimshart buzylady
ASTANA. QazAqparat - Pavlodar oblysynda qurylys jumystarynyń bir kúndik aýytqýy oryn alsa, merdigerlermen kelisimshart bir jaqty túrde buzylatyn bolady.
Aımaq basshysy Bolat Baqaýov oblys ákimdiginde ótken qurylys alqasynyń jıynynda osyndaı tapsyrmany berdi, dep habarlaıdy pavlodarnews.kz.
Pavlodar oblysynyń qurylys, jolaýshylar kóligi jáne avtomobıl joldary basqarmasy basshynyń mindetin atqarýshy Rústem Raısovtyń aıtýynsha, vedomstvo qaladaǵy basseın men Tavoljan aýylyndaǵy emhananyń qurylysyn aıaqsyz qaldyrǵan «Keremet» JShS-men kelisimshart kúshin toqtata almaı álek. - Zań boıynsha merdiger qurylys boıynsha jalǵan aqparat bergende ǵana kelisimshartty buzýǵa bolady. Al, bizde eki jyldyq qujatqa qol qoıylǵan, - dedi Rústem Raısov. -Sizder kelisimshartty qalaı jasaısyzdar?, - dep surady Bolat Baqaýov. «Qujatty jasaǵanda qurylys ýaqytyn bir kúnge buzý týraly pýnkti qosyp, kelisimsharttardyń kúshin joıǵyzyńdar. Byltyr biz merdigerlerdiń qara tizimin quramyz dep edik. Qaıda ol? «Keremet» óz jumysyn jasaı almaı jatyr dep qaıda kórsettik? Olar utyp alǵan jerde biz qurylysty jasap jatyrmyz».
