Baqaýov:Kósheler men aýlalardy jaryqtandyrý arqyly qylmysty azaıtamyz
PAVLODAR. QazAqparat - Pavlodar oblysynda qala kósheleri men aýlalardy jaryqtandyrý qylmys sanyn azaıtýǵa septigin tıgizedi.
Bul týraly aımaq basshysy Bolat Baqaýov «Dostyq» úıinde 2017 jyly atqarylǵan jumystar men 2018 jylǵa qoıylǵan josparlar jaıly qoǵamdyq keńes aldynda esep berý kezinde aıtty, dep habarlaıdy pavlodarnews.kz.
«Búgingi tańda oblys ortalyǵynyń kósheleri jańa kelbetke ıe boldy. Qalanyń ortalyǵyndaǵy aýlalar da jap-jaryq. Osyndaı jumystar Ekinshi Pavlodarda jáne qalanyń syrtqy aýmaqtarynda qalaı júrip jatyr?», - dedi qoǵamdyq keńes músheleri. Oblys ákimi bıyl qaladaǵy aýlaishilik aýmaqtardy kóriktendirý maqsatynda bir mıllıard 700 mıllıon teńge bólingenin atap ótti. - Qalanyń ortasyn kóriktendirý jumystaryn memlekettik-jekeshelik áriptestik aıasynda atqarýǵa tapsyrdyq. Ekinshi Pavlodar aýmaǵynda 18 kóshe jaryqtandyryldy. Áli de qamtylmaı qalǵan aýmaqtar bar. Memlekettik áleýmettik tapsyrystan únemdelgen qarjynyń barlyǵy kóshelerge jaryq shamdaryn ornatýǵa jumsalady. Sol arqyly biz óńirimizdegi qylmys deńgeıin azaıtamyz. Aýlalardyń ishi jap-jaryq bolsa, eshkim qylmys jasamaıdy. Bul ishki ister organdarynyń da jumysyn jeńildetedi, - dedi aımaq basshysy.
Oblys ákiminiń aıtýynsha, kóshelerdi jaryqtandyrý jumystary oblystyń barlyq aýdan ortalyqtary men Ekibastuz jáne Aqsý qalalarynda da júzege asyrylady.
