Baqaýov «Ertis-Qazhrom» voleıbol klýbyn jeńisimen quttyqtady

Ákimdiktiń baspasóz qyzmetiniń habarlaýynsha, jeńimpazdardy marapattaý saltanaty Dostyq úıiniń kontsert zalynda ótkizildi. Aımaq basshysy osydan jarty jyl buryn klýb oıynshylarmen kezdeskende olardyń jeńiske degen senimi az bolǵanyn eske túsirdi. Alaıda, voleıbolshy qyzdar osy jyldyń ózinde elimizdiń kýbogyn jeńip aldy.     

- Sizder ózderińizdiń jankúıerlerińizdi keremet oıyn órnegimen qýantyp júrsizder, - dedi oblys ákimi. - Qatarynan eki márte Qazaqstan Respýblıkasynyń Kýbogyn jeńip alǵandaryńyz - bizdiń qalamyzdaǵy voleıbol mektebiniń myqtylyǵyn dáleli. Sizderdiń jeńisterińiz oblysymyzdaǵy osy sport túriniń damýyna ári balalar men jasóspirimderdi sportpen shuǵyldanýǵa tartýǵa áser etedi. Sizderdiń jetistikterińiz - bizdiń óńirimizdiń maqtanyshy.

Óz kezeginde aımaq basshysyna alǵysyn bildirgen voleıbol komandasynyń kapıtany Radmıla Beresneva Bolat Baqaýovqa Qazaqstan Kýbogy ıegerleriniń altyn medalin tabystady. Sonymen qatar, ol klýb oıynshylaryna qoldaý kórsetken jandardyń bárine alǵys aıtty.