Bakalavrıat - 52 372, magıstratýra - 117 098, doktorantýra - 262 500 teńge: Kúzde stıpendııa ósedi

ASTANA. KAZINFORM – Ǵylym jáne joǵary bilim mınıstriniń orynbasary Talǵat Eshenqulov Úkimet otyrysynda qyrkúıek aıynda stýdentterdiń stıpendııasy qanshaǵa ósetinin málim etti.

- Keıingi 5 jylda Qazaqstanda granttar sany 1,4 ese ósti. 2024-2025 oqý jylyna 93 116 grant bólindi. Sonymen qatar, bıyl 1 qyrkúıekten bastap bilim alýshylardyń stıpendııasynyń ólshemi ósedi. Bakalavrıat úshin stıpendııanyń ólshemi 52 372 teńge, magıstratýrada 117 098 teńge jáne doktoranttar úshin 262 500 teńge bolady. ıAǵnı, osy jyly bakalavrıat deńgeıinde stıpendııa kólemi 2020 jylmen salystyrǵanda 2 esege, al magıstratýra jáne doktorantýra deńgeıinde 1,75 esege artady, - dedi vıtse-mınıstr.

Talǵat Eshenqulov jataqhanalardaǵy oryn tapshylyǵy 2019 jyly 82 500 oryn bolsa, 2024 jyly 14 873-ke deıin túskenin aıtty.

- Osy rette, erekshe bilim berý qajettilikteri bar balalar úshin jataqhanalarda oryn berý jónindegi memlekettik qyzmet proaktıvti format boıynsha usynylatynyn atap ótkim keledi, - dedi mınıstrdiń orynbasary.

Aıta ketý kerek, elimizde «Bolashaq» stıpendııasynyń tıimdiligi zerttelip jatyr.