Bakalavr, magıstr dárejeleri beriletin bilim grantyn bólý tártibi ózgerdi

ASTANA. QazAqparat – Úkimettiń qaýlysymen aýyl jastary arasynan shyqqan azamattarǵa «Bakalavr» nemese «magıstr» dárejeleri beriletin JOO-da bilim grantymen oqý tártibine ózgerister engizildi, dep habarlaıdy QazAqparat Úkimettiń saıtyna silteme jasap.

«Aýyl jastary arasynan shyqqan Qazaqstan Respýblıkasynyń azamattary úshin kvota belgilengen bilim berý baǵdarlamalarynyń toptaryna arnalǵan konkýrs mynadaı túrde ótedi: bilim berý baǵdarlamalarynyń osy toptary boıynsha granttardyń jalpy sanynyń 65 %-y jalpy konkýrs tártibimen beriledi, al granttardyń qalǵan 35 %-yna konkýrs aýyl jastary arasynan shyqqan Qazaqstan Respýblıkasynyń azamattary úshin ǵana ótkiziledi», - delingen Úkimettiń 2023 jylǵy 23 qańtardaǵy №31 qaýly mátininde.

Aıta ketsek, burynǵy qaýlyda granttardyń 30 paıyzy konkýrs negizde tek aýyl jastary arasynan shyqqan azamattar úshin ótkizililgen edi.