Bakalavr dárejesin alǵan meıirgerlerdiń jalaqysy artady
Bul týraly QR Densaýlyq saqtaý vıtse-mınıstri Lázzat Aqtaeva Halyqaralyq meıirger kúni qarsańynda ótken konferentsııada málim etti.
ıÝNISEF pen fınlıandııalyq keńesshilerdiń qoldaýymen júzege asyrylǵan bul pılottyq jobaǵa 7 óńirdegi 7 joǵary kolledj jáne 29 uıym engen bolatyn. Vıtse-mınıstrdiń aıtýynsha pılottyq joba emhanalarda óz jalǵasyn tappaq. Jańa dárejedegi meıirgerler úshin kóbirek jalaqy taǵaıyndalady jáne qyzmetteri naqtylanady.
«Barlyq meıirgerlerdi ózin-ózi damytýǵa yntalandyrý qajet. Bilimin, qabiletterin shyńdaǵan bilikti mamandarǵa laıyqty eńbekaqy berilýi tıis. ıAǵnı, meıirgerdiń úlesi aqshalyq ekvıvalentte eseptelýi tıis. Meıirger qansha ýaqyt jumys istedi, medıtsınalyq uıymǵa qansha tabys túsirdi, sol shamada eńbekaqy berilýi tıis. Sondyqtan, pılottyq jobaǵa engen 29 medıtsınalyq uıymda bul usynysty qolǵa alǵan jón», - dedi Lázzat Aqtaeva.
Vıtse-mınıstr yntalandyrýǵa aýyl meıirgerlerin kóbirek tartýdy atap ótti. Sebebi, qala meıirgerleriniń qyzmeti shekteýli, aýyldaǵy meıirbıkeler óz mindettemelerinen bólek, sheshim qabyldaıdy. Sondaı-aq, bilimi men qabileti, kóshbasshylyq qasıetteri bar meıirger mamandardyń qosymsha bilim alý úshin shet memleketterge jiberiletini habarlandy.
Aıta keteıik, jyl saıyn 12 mamyrda - Halyqaralyq meıirgerler kúni atalyp ótedi. Qazirgi ýaqytta Qazaqstanda 132 myń meıirger jumys isteıdi. Olar elimizdiń 25 memlekettik kolledjinde jáne 55 jeke kolledjinde daıarlanady. Atalǵan oqý oryndarynda jyl saıyn 70 myńǵa jýyq maman bilim alady jáne 20 myńnan astam túlek meıirbıke mamandyǵyn alyp shyǵady.