Bakalavr aıasynda IT mamandardy daıarlaý múmkin emes - Alshanov
ASTANA. QazAqparat - QR Joǵary oqý oryndary qaýymdastyǵynyń tóraǵasy Raxman Alshanovtyń aıtýynsha, búginde bakalavr, ıaǵnı tórt jyldyq joǵary bilim aıasynda aqparattyq texnologııa mamandaryn tolyǵymen daıarlap shyǵarý múmkin emes, dep habarlaıdy QazAqparat tilshisi.
«Qazirgi kezde biz, joǵary oqý oryndary qaýymdastyǵynyń músheleri bakalavrıat, magıstratýra men doktorantýranyń ara salmaǵyn ózgertýdi talap etip otyrmyz. Sebebi ınnovatsııalardy kim engizedi dep oılaısyz? Ekonomıkanyń jańǵyrýyna kimder atsalysady? Álbette, bakalavrdyń oǵan kúshi jetpeıdi. Bul jerde magıstranttar men doktoranttardyń róli zor. Osynyń bári - álemdik tájirıbe», - deıdi Alshanov.
Onyń sózine qaraǵanda, búginde aqparattyq texnologııalar salasyndaǵy bilim berý baǵdarlamalaryn jeke menshik joǵary oqý oryndary belsendi túrde iske asyryp keledi.
Aıta keteıik, Halyqaralyq aqparatttyq texnologııalar ýnıversıtetiniń rektory Damır Shynybekov elimizde aqparattyq texnologııalardy keńinen qoldanyp, ony xalyqqa jan-jaqty kórsetetin kreatıvti qoǵamdy qurý qajet dep sanaıdy. Alaıda sol kreatıvti qoǵamdy qalyptastyratyn mamandar tapshy.
«Búginde Qazaqstannyń joǵary oqý oryndarynda 480 myńǵa jýyq stýdent oqıdy. Biraq olardyń ishinde tek 50 myń jas qana aqparattyq texnologııalar boıynsha bilim alady. Jyl saıyn osy baǵytta 15-aq myń adam oqýdy aıaqtaıdy. Olardyń sany bir nárseni ózgertýge jetedi dep oılaısyz ba? Bul jerde bir nárseni eskergen jón, oqýdy bitirgen túlekterdiń ishinde tek árbir altynshy, ıa bolmasa, árbir jetinshi maman ǵana ekonomıkaǵa paıdaly start-ap jobany usyna alady», - deıdi ol.
https://kaz.inform.kz/news/kazakstanda-akparattyk-texnologiyalardy-damytudyn-basty-problemasy-nede_a2996740
Bıylǵy Joldaýda Prezıdent tsıfrlyq texnologııany qoldaný arqyly qurylatyn jańa ındýstrııalardy órkendetýdi tapsyryp otyr. Osyǵan oraı, Úkimetke «Tsıfrly Qazaqstan» atty jeke baǵdarlamany ázirleý mindeti júkteldi. «Tsıfrlyq ındýstrııany damytý basqa barlyq salalarǵa serpin beredi. Sondyqtan Úkimet aqparattyq texnologııalar salasyn damytý máselesin erekshe baqylaýda ustaýǵa tıis», - dep atap kórsetti Nursultan Nazarbaev.
