BAQ jýrnalısteri arasyndaǵy Seıdahmet Berdiqulov atyndaǵy baıqaý bastaldy
ASTANA. 26 qazan. QazAqparat - Qazaqstan Respýblıkasy Sport jáne dene shynyqtyrý isteri agenttigi men QR Sport baspasózi qaýymdastyǵy BAQ jýrnalısteri arasynda sport jýrnalısi, pýblıtsıst jáne qoǵam qaıratkeri Seıdahmet Berdiqul atyndaǵy jyl saıyn ótetin baıqaýdyń bastalǵanyn habarlady.
Baıqaýǵa buryn jeńimpaz atanbaǵan jáne 2007 jyldan bergi ýaqytta osy júldeniń jeńimpazy bolmaǵan jýrnalıster qatysa alady, ıaǵnı konkýrsta jeńiske jetkennen keıingi ótken ýaqyt 5 jyldan kem bolmaýy tıis.
Syılyq jylyna bir ret úsh jeńimpazǵa tapsyrylady. Onyń ishinde eki syılyq - memlekettik tildiń mártebesin kóterý maqsatynda qazaq tilinde jarııalanǵan materıaldarǵa, bir syılyq - orys tilinde jarııalanǵan materıaldarǵa belgilengen.
Ótinishter men maqalalar myna mekenjaı boıynsha qabyldanady: 010017, Astana qalasy, Qonaev kóshesi, 35 úı, №2714 pochta jáshigi, QR Sport baspasózi qaýymdastyǵyna («2012 jylǵy S. Berdiqul atyndaǵy baıqaýǵa» degen belgimen). Qabyldaý merzimi - 5 jeltoqsanǵa deıin.
Úmitkerler 2012 jyldaǵy jumystaryn myna taqyryptar boıynsha tapsyrýy tıis:
1. Olımpıada, Álem jáne Azııa chempıonatyna, Álem Kýboktaryna, mártebeli halyqaralyq jarystarǵa jáne Qazaqstan birinshilikterine arnalǵan jarııalanymdar (ocherkter, maqalalar, taldaý, teletranslıatsııalar, telekópirler jáne t.b.)
2. Qazaqstandyq BAQ-ta buqaralyq sportty, balalar men jasóspirimder arasyndaǵy sportty, múgedekter arasyndaǵy jáne ulttyq sport túrlerinen sport oıyndaryn, (Spartakıadalar, týrnırler, Paralımpıalyq oıyndar, Ulttyq sport túrleri festıvali) t.b. nasıhattaý.
3. Elimizde dene shynyqtyrý jáne sport salasy boıynsha problemalar kóterý jáne onyń sheshý joldaryn kórsetip berý.
Baıqaýdyń jeńimpazdary «Seıdahmet Berdiqul atyndaǵy syılyqtyń laýreaty» degen arnaıy tósbelgimen marapattalyp, dıplom men aqshalaı syılyqqa ıe bolady.
Berilgen aqparatty QR Sport jáne dene shynyqtyrý isteri agenttiginiń (www.sport.gov.kz) jáne QR UShKjSR dırektsııasynyń (www.kazsports.kz ) saıttarynan tabasyz. Laýreattardyń esimderi QR BAQ-tarynda jáne joǵaryda kórsetilgen saıttarda ornalasady.
