BAQ: Joǵalyp ketken gollıvýdtyq aktrısa Mıstı Aphemniń máıiti tabyldy
ASTANA. QazAqparat - Beısenbide Vashıngton shtatynda joǵalyp ketken gollıvýdtyq aktrısa Mıstı Aphemniń máıiti tabyldy. Bul týraly US Weekly basylymy habarlady.
Quqyq qorǵaý organdarynyń derekteri boıynsha áıeldiń sómkesinen Aphem esimine tıesili qujat tabylǵan.
Sońǵy ret "Avgýst" fılmi (August: Osage County, 2013) juldyzyn 5 qazanda kórgen. Týystary men tanystary ony bir apta boıy izdep, esh habar bolmaǵan soń 32 jastaǵy Mıstıdiń ákesi polıtsııa kómegine júgingen.
Treısı Letts pesasy boıynsha qoıylǵan «Avgýst» lentasynda Aphem qyzmetshi rólin somdady. Ol "Muz qatqan ózen" (Frozen River, 2008) jáne "Azat etilgen Django" (Django Unchained, 2012) kartınalarynda oınaǵan rólderi arqyly da keńinen tanymal boldy.
Aphemniń ákesi sońǵy ýaqytta onyń kóńil-kúıi bolmaǵanyn, túsiniksiz áńgimeler aıtqanyn baıqaǵan.
