BAQ: Joǵalǵan Boeing 777 ushaǵy yqtımal aıdap ketýden keıin jeti saǵattan astam ýaqyt ushýdy jalǵastyrǵan
ASTANA. QazAqparat - Ońtústik Qytaı teńizi aýdanynda radar ekrandarynan joǵalyp ketken «Malaızııa avıajelileri» kompanııasynyń ushaǵy, sirá, aıdap áketilgen bolýy múmkin, odan keıin de jeti saǵat jarym ýaqyt ushýdy jalǵastyrǵan, dep habarlady ITAR-TASS.
Bul týraly brıtandyq «Bı-Bı-Sı» habar taratý korporatsııasy habarlady.
Ol Malaızııa bıliginiń spýtnıkter men radarlar kómegimen alǵan laınerdi baqylaý málimetterin keltiredi.
«Ushaq baǵytyn ózgertken jáne jeti saǵat boıy ushýdy jalǵastyrǵan. Avıatsııalyq baılanys júıesi laıner Malaızııanyń shyǵys jaǵalaýyna jaqyndaǵan kezde aıyrylyp tastalǵan. Budan keıin kóp keshikpeı Malaızııa jáne Vetnam avıadıspetcherlik qyzmetteri jaýapkershiligi aımaǵynyń shekarasyna taıaý jerde tanytý dabyldaryn beretin ushaqtyń radıodabyly óshirilgen», dep atap ótedi Bı-Bı-sı.
Sonymen qatar laıner basqa dabyldar berýdi jalǵastyrǵan, ony ǵaryshtyq ushý apparattary tirkegen. «Spýtnık 8 naýryzda jergilikti ýaqytpen 08:11-ge deıin, ıaǵnı ushaq radardan joǵalyp ketkennen keıin jeti saǵattan astam ýaqyt ótkesin dabyldy qabyldaǵan, biraq ta onyń qaı jerde ekenin anyqtaý múmkin bolmady», - dep túsindiredi korporatsııa.
Spýtnık ushaqtyń sońǵy dabylyn qabyldaǵan kezde laınerde otyn bitýge jaqyndaýy tıis, dep atap ótedi Malaızııa premer-mınıstri Nadjıb Razak. Senbi kúni baspasóz máslıhatynda ol BAQ-taǵy áýe kemesin bireýler aıdap ketýi múmkin degen aqparatty qýattady. «Bizdiń málimetterimiz boıynsha bireýler qasaqana baılanys quraldaryn óshirip, ony baǵytyn ózgertýine májbúrleýi múmkin», dep atap kórsetti Razak.
Spýtnıkterden berilgen aqparat eger ushaqty bireýler jaýlap alǵan bolsa, onda eki áýe dáliziniń birimen ushýy tıis. Onyń biri - Taılandtyń soltústiginen bastalyp, Túrikmenstan men Qazaqstan arasyndaǵy shekara baǵytymen ótedi. Ekinshisi Indonezııadan Úndi muhıtynyń ońtústik bóligine qaraı ketedi. Bul baǵyttar spýtnık Úndi muhıtynyń ústinen qabyldaǵan dabylǵa sáıkes anyqtaldy.
Bortynda 227 jolaýshysy men 12 ekıpaj múshesi bar Boeing 777-200 ushaǵy Kýala-Lýmpýrdan Beıjińge juma kúni 7 naýryzda ushyp shyqty. Shamamen eki saǵattan keıin laıner kenetten radarlar ekranynan joǵalyp ketti, al ekıpaj baılanysqa shyǵýdy toqtatty. Bul kezde ol Ońtústik Qytaı teńiziniń ústinde Kota-Barý qalasynan 120 teńiz mılindeı qashyqtyqta boldy.
Jolaýshylar tizimi jarııalanǵannan keıin eki adam bóten bireýlerdiń tólqujatymen ushaqqa otyrǵany anyqtaldy. Tólqujattardyń shyn ıeleri - ıtalıandyq pen avstrııalyq ózderiniń qujattaryn budan buryn Taılandyda joǵaltyp alǵandaryn habarlady. Interpol málimetteri boıynsha, bóten qujattardy Iran azamattary paıdalanǵan.
Ushaqpen bolǵan oqıǵanyń basqa da yqtımal nusqalary - lańkestik, aıdap ketý, eki dvıgateliniń de isten shyǵýyna nemese nashar aýa raıyna baılanysty apat bolýy múmkin.
