BAQ: Japonııanyń shyǵysyndaǵy jer silkinisinen soń tsýnamı bolýy múmkin
ASTANA. QazAqparat - Japonııanyń shyǵysynda Tynyq muhıty jaǵalaýlarynda bıiktigi 1-den 3 metrge deıin jetetin tsýnamı jergilikti ýaqyt boıynsha shamamen saǵat 6-30-dar shamasynda paıda bolýy múmkin, dep habarlaıdy NHK telearnasy.
Seısmıkalyq tolqyndar muhıtta 7,3 magnıtýdalyq jer silkinisiniń saldarynan paıda bolady jáne onyń eń myqty ekpini Fýkýsıma profektýrasyna soǵýy múmkin.
Aıta keteıik, Fýkýsıma prefektýrasynda 2011 jyly da jer silkinisinen soń tsýnamı paıda bolyp, onyń sońy osy aımaqtaǵy atom elektr santsııasynyń apatyna alyp kelgen bolatyn.
2011 jyly 9.0 magnıtýdalyq jer silkinisinen soń Japonııanyń soltústik-shyǵysyn bıiktigi 15 metrden asatyn alyp tsýnamı kelip soqty. Tabıǵattyń dúleı kúshi «Fýkýsıma-1» atom elektr stantsııasyn basyp qalyp, sonyń saldarynan reaktorlardy salqyndatyp turatyn júıe isten shyqty. Osy apat Chernobyldaǵydan keıingi eń úlken oqıǵa bolyp tirkeldi.
Mundaı jaǵdaıǵa japondyqtar daıyn emes edi. Sonyń saldarynan stantsııada da adamdardy qaýipsiz aımaqqa kóshirý sharalary kezinde de úlken qatelikterge jol berildi. Apat bolǵan stantsııanyń mańynda turýǵa osy kúnge deıin tyıym salynǵan. Apattyń qaýipi 40 jyldan soń seıiledi, dep jazady ria.ru.
