BAQ: Úndistandaǵy sý tasqynynyń saldarynan mert bolǵandar 350-den asty
ASTANA. QazAqparat- Úndistannyń shyǵysyndaǵy Assam, Bıhar jáne Batys Bengalııa shttaryndaǵy sý tasqynynyń saldarynan 360 adam qurban boldy, dep jazady TASS.
NDTV telearnasy senbi kúni atalǵan óńirlerde tolassyz jaýǵan jaýynnyń saldarynan sý qoımalary men ózenderdiń arnasynan asyp jatqanyn jazady. Jaýyn atalmysh aımaqtarda sońǵy aptada toqtaýsyz jaýǵan.
Telearna taratqan málimetter boıynsha, qazirgi tańda ásirese Bıhar shtatyndaǵy jaǵdaı óte qıyn. Onda tabıǵı apattan 153 adam qurban bolǵan. Qutqarý jumystary úshin Bıharda tótenshe jaǵdaılarmen kúres qurylymdarynyń 28 bólimshesi jumys isteýde. Sonymen qatar 1 myń 765 dala ashanalarynyń jumysy jolǵa qoıylyp, onda 350 adamǵa kómek kórsetilýde.
Sý tasqynynan qatty zardap shekken ekinshi aımaq Assam shtaty bolyp otyr, munda 144 adam qurban boldy. Sońǵy eki kúnde jańbyr toqtaǵan. Osyǵan qaraı bılik ókilderi tabıǵat apatymen baılanysty jaǵdaıdyń birshama ońala túskendigin aıtýda. Alaıda qutqarýshylar sý alǵan aımaqtardyń barlyǵyn qarap kórgenshe, tabıǵat apatynyń qurbandar sany arta túsýi múmkin.
Batys Bengalııada 52 adam mert boldy. Munda tabıǵı apattan Ýttar Pradesh shtatynyń shyǵys bóligi qatty zardap shekti. Onda 14 adam ómirimen qosh aıtysty.
