BAQ: Úndistanda júregi syrtynda ornalasqan qyz dúnıege keldi
ASTANA. QazAqparat - 5 sáýir kúni Úndistannyń Madhıa-Pradesh shtatynda sırek kezdesetin týabitti kemistigi bar qyz dúnıege keldi. Sol kemistikten qyzdyń júregi syrtqa shyǵyp ketken, dep jazdy Daily Star.
Sábıdiń ata-anasy aqaý týraly ýltra-dybystyq zertteýde bilgen, biraq ary qaraı tekserý júrgizý úshin erli-zaıyptynyń aqshasy bolmaǵan.
"Biz tuńǵyshymyzdy munsha qınalady dep oılamadyq», - dedi qyzdyń anasy.
Dárigerlerdiń aıtýynsha, balanyń aman qalý múmkindigi - 50 de 50. Qyzdy Delı aýrýhanasyna jetkizdi, oǵan Úndistan medıtsınalyq ǵylymdar ınstıtýtynyń mamandary ota jasaıdy.
Júrek ektopııasy- ıaǵnı organnyń erekshe orynǵa jyljyp ketýi óte sırek kezdesedi, 150 myń adamnyń bireýinde ǵana bolýy múmkin. Sondaı-aq, bul aqaýǵa tap bolǵan balalardyń 90% óli kúıinde týady nemese ómiriniń alǵashqy kúninde kóz jumady.
