BAQ: Turkish Airlines-tiń ushaǵy bortta bomba bar degen qaýippen shuǵyl Kanadaǵa qondy
ASTANA. QazAqparat - Nıý-Iork-Ystambul baǵytynda ushqan Túrkııa Respýblıkasynyń «Turkish Airlines» áýe kompanııasynyń A330 ushaǵy shuǵyl túrde Kanadanyń Galıfaks qalasyna qondy, dep habarlaıdy TASS agenttigi.
Kanada polıtsııasyna silteme jasaı otyryp, AFP agenttigi habarlaǵandaı, áýe kemesiniń ushaǵy «bortta bomba jarylýy múmkin» degen qaýippen shuǵyl túrde baǵytyn ózgertýge májbúr bolǵan. Qaýipke qaramastan, ekıpaj ushaqty sátti qondyrǵan, dep habarlaıdy Kanada polıtsııasy.
Ushaq bortynda barlyǵy 256 adam bolǵan eken.
«Polıtsııa osy qaýiptiń sebebin anyqtap, naqtylaýǵa jáne oqıǵaǵa jaýapty adamdardy tabýǵa tyrysyp jatyr», - dep habarlaǵan Kanada polıtsııasy.
