BAQ týraly jańa zań 2022 jyly qabyldanady dep josparlanýda – Aqparat mınıstri

NUR-SULTAN. QazAqparat – Keleshekte BAQ týraly jańa sapaly zań qabyldanatyn bolady. Bul týraly QR Aqparat jáne qoǵamdyq damý mınıstrliginiń keńeıtilgen alqa májilisinde vedomstvo basshysy Aıda Balaeva málim etti, dep habarlaıdy QazAqparat.

Mınıstr memlekettik aqparattyq tapsyrysty usynýdyń jańa erejelerine qatysty jumysqa toqtala kele, aldaǵy ýaqytta BAQ týraly jańa sapaly zań qabyldanýy josparlanyp otyrǵanyn jetkizdi.

Osy oraıda A. Balaeva atalǵan qujat qashan qabyldanatynyn aıtty.

«Bul turǵydaǵy maqsat – memlekettiń biryńǵaı aqparattyq saıasatynyń zańnamalyq qamtamasyz etilgen tetikterin qalyptastyrý. Osy oraıda BAQ týraly jańa zań 2022 jyly ázirlenip, qabyldanýy úshin bıyl zań jobasynyń tujyrymdamasy keńinen talqylaýǵa usynylady», - dedi vedomstvo basshysy.