BAQ týraly zańǵa jedel tártippen halyqaralyq standarttarǵa saı ózgerister engizilýi kerek - E. Ertisbaev
ASTANA. 12 shilde. QazAqparat - BAQ týraly zańǵa jedel tártippen halyqaralyq standarttarǵa saı ózgerister engizilýi kerek.
Bul týraly búgin Astanada «Qazaqstandyq zańnamany sóz bostandyǵynyń halyqaralyq standarttaryna jaqyndastyrý perspektıvalary» atty konferentsııa barysynda QR Prezıdentiniń saıası máseleler jónindegi keńesshisi Ermuhamet Ertisbaev.
«Men qazaqstandyq zańnamaǵa jedel tártippen baptardy krımınalsyzdandyrý týraly, jala jabýǵa jáne qorlaýǵa qatysty, dıffamatsııaǵa jáne basqa da halyqaralyq standarttarǵa saı ózgerister engizilýin jaqtaımyn. Bul bizdiń jýrnalısterge aıtarlyqtaı jańa deńgeıge kóterilýge múmkindik beretin edi», - dedi E.Ertisbaev.
Sonymen qatar, Prezıdent keńesshisi atalǵan máseleniń kóptegen jyldar boıy talqylaýdan ótkenin aıtyp, endi naqty áreketke qadam jasaıtyn kez kelgenin atap ótti.
«Biz Qazaqstanda 40 myńǵa tarta jýrnalıster bar dep júrmiz. Solardyń qoldaryn jınap, Elbasy men Parlamentke jetkizý kerek. Al myndaı júzdegen konferentsııany ótkizip otyra berýden túk shyqpaıdy - naqty qadamdar kerek. Sosyn, biz ózimizge alǵan mindettemelerdi oryndaýǵa tıispiz», - dedi E. Ertisbaev.
Onyń paıymynsha, sońǵy 5 jylda BAQ zańnamasyn reformalaý ornynan qozǵalǵan joq. Bul rette ol qazaqstanda BAQ-qa qatysty halyqaralyq normalar engizýge qarsylardyń da bar ekendigin jasyrǵan joq.
«Men sońǵy bes jylda BAQ zańnamasyn krımınalsyzdandyrý men dıffamatsııaǵa qarsylardyń kóp ekendigin ańǵaramyn, onyń ishinde bıliktiń joǵary eshelonynda da dál osy máseleni alǵa jyljytýǵa múldem qarsylar barshylyq», - deıdi Prezıdent keńesshisi.
