BAQ: «Tıtanıktiń» apatqa ushyraýyna aısbergtiń qatysy joq
ASTANA. QazAqparat - Jýrnalıst Shenan Molonı «Tıtanık» kemesiniń apatqa ushyraýyna aısbergtiń qatysy joq degen málimdeme jasady.
Independent basylymynyń jazýynsha, Molonı 30 jyl boıy zertteý júrgizip, kemeniń apatqa ushyraý sebebin anyqtamaq bolady. Ol kemeniń saıahatqa shyǵardan burynǵy, aısbergke soǵylǵannan keıingi sýretterin zerttegen. Jýrnalıstiń boljamynsha, parohodtyń aısbergke soǵylǵan jeri túsirilgen sýretterde uzyndyǵy 9 metr bolatyn qara kúıeniń izi jatyr. Bul «Tıtanık» apatqa ushyramastan buryn buzylǵanyn dáleldeıdi deıdi ol.
Basylym habarlaǵandaı, sarapshylar bul janarmaı qoımasynda bolǵan órttiń izi bolýy múmkin degen boljamdy rastady. Olar birnesha apta boıy kemede órt shyqqan, komanda tilsiz jaýdy óshirýge qansha tyryssa da, órtti sóndirý múmkin bolmady degen boljam aıtady. Molonıdiń pikirinshe, kemeniń ıeleri órt jaıly jolaýshylarǵa habarlamaǵan ári qyzmetkerlerine tis jarmaý týraly buıyrǵan-mys. Jýrnalıst keme aısberge soǵylǵanǵa deıin qaptamasy jaramsyz bolǵan degen boljam jasap otyr. Bul kemeniń apatqa ushyraýyna, aısberg qana emes órt sebep ekenin dáleldeıdi.
Eske sala keteıik, «Tıtanık» alyp kemesi 1912 jyl apatqa ushyraǵan. Keme bortynda 2 myńnan astam adam bolǵan, onyń basym bóligi qaza tapty.
