BAQ: Taılandtyń ońtústiginde ushaq synyqtary tabyldy, bul joǵalǵan Malaızııa Boıngi bolýy múmkin
ASTANA. QazAqparat - Jergilikti turǵyndar eni eki metr, uzyndyǵy úsh metr ushaq qaldyǵyn taýyp aldy, dep habarlaıdy Reuters agenttigi.
Eldiń ońtústik jaǵalaýynan tabylǵan ushaq qaldyqtary, 2014 jyly naýryz aıynda joǵalyp ketken malaızııalyq Boıng bolýy múmkin degen boljam jasaldy.
Ushaqtyń sopaq bólshegi jaǵalaýǵa shyǵyp qalǵan, ony taýyp alǵan Nakhonsıthammarat kentiniń turǵyndary jergilikti bılikke synyqty anyqtap berýdi suraǵan.
«Malaızııanyń joǵalǵan ushaǵynyń synyǵy» degen boljam jasap úlgergen jergilikti Taı basylymdaryna qarsy qandaı da bir resmı málimdeme habarlanbady.
Eske sala ketsek, Malaysia Airlines áýe kompanııasynyń Boeing 777-200 ushaǵy MH370 reısi boıynsha Kýala-Lýmpýr - Beıjiń baǵytymen 2014 jyldyń 7 naýryzy kúni túnde ushyp shyqqan. Ushaq áýege kóterilgen soń eki saǵattan keıin baılanys úzilip ketken. Ushaqta 227 jolaýshy, 12 ekıpaj músheleri bolǵan.
