BAQ: Táýelsiz jýrnalıst Shyńǵyshannyń qabirin tapty
ASTANA. QazAqparat - Táýelsiz jýrnalıst Robın Akroıd búginge deıin belgisiz bolyp kelgen mońǵol jaýlaýshysy Shyńǵyshannyń qabirin tapqanyn aıtady.
Akroıdtyń málimdemesi onyń "Chıngıs: Svıataıa Grobnıtsa, taınoe sokrovışe" - "Genghis: Sacred Tomb, Secret Treasure" jańa kitabyna endi, dep habarlady brıtandyq Rressgazette gazeti 2016 jylǵy 29 qańtardaǵy nómirinde.
Akroıd qupııa qabir soltústik Mońǵolııadaǵy bıik taýda ornalasqan dep sanaıdy, sol jerde onyń nemeresi Qubylaı da jerlengen.
Akroıd atpen ekspedıtsııa jasaǵan. Kóshpendiler arasynda ómir súrip, aralda saıahattaǵan. Ol 70 shaqyrym joldy eńsergen.
Qorytyndysynda jýrnalıst Shyńǵyshan álemdi jaýlap alǵanyna qaramastan, 1227 jyly tamyzda qazirgi soltústik Qytaı aýmaǵynda qaza taýyp, jerleý úshin Mońǵolııaǵa jetkizilgen degen tujyrymǵa keldi.
«Shyńǵyshan qytaı óńirindegi Іshki Mońǵolııada Ordosta jerlengen. Onyń belgili mavzoleıi memorıal ǵana bolyp qalady. Budan basqa jerlengen aımaqty urynqaı taıpasy kúzetken. Olar salyqtan, áskerı qyzmetten bosatylǵan. Imperatorlyq qabir kúzetiniń faktisi uly handy jerlegendi kórgen sarbazdar óltirildi degen boljamdy joqqa shyǵarady», - dep jazdy ol óziniń kitabynda.
Ejelgi mońǵol mátinderin aýdarǵannan jáne onyń zertteýlerinen keıin Akroıd mońǵol kóseminiń sońǵy orny jaıly aldyńǵy teorııa durys emes degen tujyrymǵa keldi. Jýrnalıst óz teorııasyn Mońǵolııa úkimeti qabyldaǵanyn naqtylady, dep jazady sheteldik BAQ.
