BAQ-tardaǵy memlekettik tilge qatysty baıqaý ótkizildi
Mınıstrliktiń Tilderdi damytý jáne qoǵamdyq-saıası jumys komıteti Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵymen birlese otyryp, memlekettik til saıasatyn buqaralyq aqparat quraldarynda nasıhattaý belsendiligin arttyrý maqsatynda Baılanys jáne aqparat qyzmetkerleriniń kúnine oraı 2016 jylǵy 22 maýsymda «Memlekettik til jáne BAQ» respýblıkalyq baıqaýynyń jeńimpazdaryn saltanatty marapattaý rásimin ótkizedi.
Respýblıkalyq baıqaýǵa jekelegen tilshilerdiń el aýmaǵyndaǵy BAQ-ta jarııalaǵan memlekettik tildiń qyzmet etý aıasyn keńeıtý, mártebesin nyǵaıtý jáne qazirgi memlekettik tildiń ahýaly týraly 100-den asa ótkir de ózekti materıaldar kelip tústi.
Baıqaýdyń erejesine sáıkes 2015 jylǵy 10 maýsym men 2016 jylǵy 9 maýsym aralyǵynda jaryq kórgen jarııalanymdar, efırge shyqqan habar, baǵdarlamalar boıynsha kelip túsken materıaldar «Úzdik maqala», «Úzdik telearna baǵdarlamasy», «Úzdik radıo baǵdarlamasy», «Úzdik saıt maqalasy» nomınatsııalary boıynsha baǵalanady.
Baıqaý materıaldaryn elimizge belgili jazýshylar men tájirıbeli jýrnalıst mamandarynan quralǵan arnaıy qazylar alqasy qarastyryp, júldegerlerdi anyqtaıdy.
Marapattaý rásimi QR Mádenıet jáne sport mınıstri Arystanbek Muhamedıulynyń quttyqtaý sózimen ashylady. Іs-sharaǵa QR Parlamentiniń depýtattary, zııaly qaýym, BAQ ókilderi, baıqaýdyń júldegerleri jáne t.b. qatysady. Іs-shara barysynda elimizdiń tanymal ártisteri óz ónerlerin kórsetedi.
