BAQ-taǵy til shubarlyǵy alańdatarlyqtaı - respýblıkalyq basylymdarǵa sholý
***
«Egemen Qazaqstan» basylymynyń búgingi sanynda «Áskerı sherý: el aıbyny aıshyqtaldy» atty maqalajaryq kórdi. Maqalada keshe ǵana elordada ótken Táýelsizdiktiń 20 jyldyǵy men Konstıtýtsııanyń 16 jyldyǵyna arnalǵan áskerı sherý sýretteledi. Sondaı-aq onda saltanatty sharada Elbasy kótergen birqatar máseleler jóninde jazylǵan. «Biz osylaısha, táýelsizdiktiń 20 jylynda Qazaq elin dúnıejúzine pash ettik. Ata Zań arqyly asqar asýlardy alǵan biz búginde jańa kezeńge qadam bastyq. Elimiz endi ınnovatsııalarǵa negizdelgen ındýstrııalyq damý jolyna bet aldy. Sondyqtan biz baıandy isterimizdiń bastaýy bolǵan bas qujatymyzdy ardaqtaýymyz kerek!», deıdi Memleket basshysy Nursultan Nazarbaev.
Sondaı-aq osy basylymnyń búgingi sanynda «Baq-taǵy til tazalyǵy» atty maqala jaryq kórdi. «Nur Otan» halyqtyq-demokratııalyq partııasynyń Qostanaı oblystyq fılıalynyń keńesshisi Serikbaı Shaımaǵanbetovtyń aıtýynsha, búgingi kúni BAQ qazaq tilin shubarlanýdan, «aram» sózderden saqtaýda ózindik ról atqaryp kele me? Jasyratyny joq, sońǵy kezde otandyq telearnalar Reseıdiń, tipti bolmasa muhıttyń arǵy jaǵynan kóshirip alynǵan túrli shoý habarlarǵa tolyp ketti. Ókinishke qaraı sol habarlardyń maǵynasymen birge syǵalap, synalap qazaq tiline jat, «aram» sózder qaptap ketti dese de bolady. Qazir qaı arnany qosyp qalsań da tilge jeńil aýyzǵa oralyp turǵan «Otyryq», «Jatyryq», «dál qazir» sııaqty sóz tirkesterden bas kótere almaısyń»,-deıdi. Fılıal keńesshiniń BAQ-taǵy til máselesine qatysty oılarymen «Egemen Qazaqstan» basylymynyń búgingi sanynan bólise alasyzdar.
***
«Aıqyn» basylymybúgingi sanynda «Bılikpen baılanys nyǵaıa túsedi» aty maqala jarııalady. Maqalaǵa el Táýelsizdiginiń 20 jyldyǵy qarsańynda Atyraýda uıymdastyrylǵan V Azamattyq forýmda kóterilgen máseleler sóz bolady. Basylymnyń jazýynsha, osy forýmda atyraýlyq úkimettik emes uıym ókilderi ózderiniń jetistikteri men mindetterin saralap tanystyrǵan. «Atyraý oblysy Azamattyq Alıansy» zańdy tulǵalar birlestiginiń prezıdenti Álııa Bekqojıevanyń aıtýynsha, el Táýelsizdiginiń 20 jyly ishinde úkimettik uıymdar ózin qoǵamnyń belsendi múshesi ekenin kórsetip, olar óz turǵyndarynyń ál-aýqatyn jaqsartýdyń ındıkatory bola aldy. «Qarapaıym halyqtyń qajettiligin qanaǵattandyrý Úkimet pen jekeniń arasyndaǵy deldal bolyp keletin úkimettik emes uıymdardyń belsendiligi men bastamashylyǵyna baılanysty bolyp otyr»,-deıdi birlestik prezıdenti. Bul týraly «Aıqyn» basylymynyń búgingi sanynda.
Sondaı-aq atalmysh basylym búgingi sanynda elordada Táýelsizdiktiń 20 jyldyǵy men Konstıtýtsııanyń 16 jyldyǵyna arnalǵan áskerı sherý týraly jazady. Buǵan qosa basylym betinde Konstıtýtsııa kúni merekesiniń elimizdiń aımaqtarynda qalaı atap ótilgendigi men ondaǵy iri merekelik sharalar jónindegi bir top maqala basty.
***
«Kazahstanskaıa pravda» basylymynyń búgingi sanynda Munaı jáne gaz mınıstri Saýat Myńbaevpen bolǵan suhbat jarııalanypty. Onda elimizdiń munaı, gaz salasyndaǵy qalyptasqan jaǵdaı men bolyp jatqan birqatar problemalar týraly baıandalady. Mnıstrdiń sózinshe, búginde Qazaqstan búgin ishki naryqty dızeldi otynmen tolyq qamtamasyz etip otyr. Alaıda osy dızeldi otyn shyǵarylatyn munaıdyń jartysy Reseıden ákelinedi. Al benzınge qatysty jaǵdaı birshama kúrdeli. Sebebi elimizdiń munaı zaýyttary tolyq qýatynda jumys istep turǵan kezdiń ózinde biz onyń bri bóligin, naqtyraq aıtqanda joǵary oktandy benzındi syrtan ákelýge májbúrmiz. Mysaly Aı-92 markili benzınniń 35 paıyzy syrttan tasymaldanady. Al Aı-95, Aı-98 jáne áýe kólikterine qajetti kerosınniń basym bóligi tasymaldanady. «Tek Aı - 80 markili benzın boıynsha ǵana ishki naryqty tolyq qamtamasyz ete alyp otyrmyz»,-deıdi mınıstr. Muny «Kazahstanskaıa pravda» basylymynyń betin jarııalanǵan «Munaı-gaz salasyn ekonomıkalyq úderisterden bólir qaraýǵa bolmaıdy» atty taqyryptaǵy suhbattan oqı alasyzdar.
