BAQ-taǵy qaýesetke qaramastan Reseı anımatorlary «Masha men aıý» serııalyn túsirýdi jalǵastyrmaq
ASTANA. QazAqparat - Reseıde túsirilgen «Masha men aıý» mýltserıalynyń teń prodıýseri Dmıtrıı Loveıko anımatorlyq fılmniń úshinshi maýsymynyń birinshi serııasy shyqqannyn aıtty, dep habarlady «RIA Novostı».
Qyrkúıektiń basynda «Izvestııa» gazeti «Anımakkord» stýdııasy «Masha jáne aıý» anımatsııalyq serıalyn túsirýdi qarjy tapshylyǵyna baılanysty toqtatatynyn habarlaǵan bolatyn. Alaıda, keıin mýltserıaldy túsirýshiler bul jarııalanymdy joqqa shyǵardy. Loveıko, joba jabylmaıtynyn resmı málimdedi. «Masha men aıý» taýarlyq brendiniń tanystyrylmynda teń prodıýser: «BAQ-ta paıda bolǵan qaýesetke qaramastan úshinshi maýsymdy bastadyq, ol 2017 jyldyń ortasyna deıin jalǵasyn tabady», - dedi.
