BAQ-ta jarııalanǵan málimetterdi teriske shyǵarýdy talap etý merzimin 1 jylmen shekteý usynyldy
«Jýrnalısterdiń múddesin qorǵaý úshin BAQ-ta jarııalanǵan málimetterdi teriske shyǵarýdy talap etý tártibin zańnamalyq túrde jaqsartýdy josparlap otyrmyz. Halyqaralyq praktıka boıynsha, sonyń ishinde BUU standarty boıynsha, málimetterdi teriske shyǵarý týraly talap qoıýdyń eskirý merzimin bir jyl etip belgileý usynylady. Bul mass-medıany zańsyz talaptardan qorǵaýǵa múmkindik beredi. Óıtkeni qazir bul talaptyń merzimi shektelmegen. Ár elderde bul merzim 1 jyllan 3 jylǵa deıin belgilengen. Biz sonyń ishinde 1 jyl merzimdi qaldyrýdy usynamyz. Qaraǵandyda birneshe jyl ótken soń talap etý praktıkasy bolǵanyn esimizde», - dedi QR Aqparat jáne qoǵamdyq damý mınıstriniń orynbasary Kemelbek Oıshybaev.
Atalmysh sharada, vıtse-mınıstr sottan basqa organdar jýrnalısten derekkózdi ashýdy talap ete almaýy kerektigin aıtty.
«Sondaı-aq, aqparattyń qupııalylyǵyn qamtamasyz etý sharalaryn zańnamalyq deńgeıde bektiýdi usynamyz. Atap aıtqanda, jýrnalıst alǵan aqparatty qupııa saqtaý shartymen jýrnalıstiń jarııalamaý quqyǵyn qarastyrý usynylady. Qupııa kóz tek sottyń talaby boıynsha ashylatynyn kózdeý qajet dep esepteımiz. Basqa jaǵdaıda eshqandaı organ derekkózdi ashýdy jýrnalısten talap ete almaýy kerek. Bul elimizde jýrnalıstik zertteýlerdiń sapasyn arttyryp, osy baǵytty damytady dep oılaımyn», -dedi vedomstvo ókili.
