BAQ-ta ǵaryshty eń kóp lastaıtyn elder tizimi jarııalandy
ASTANA. QazAqparat - Ǵaryshty lastap jatqan elderdiń kóshin AQSh bastap tur, onyń izin ala Reseı men Qytaı keledi, dep habarlaıdy Business Insider.
Basylymnyń málimetterine qaraǵanda, Jer orbıtasynda 14 myńnan astam zymyran synyqtary jáne basqa da iri ǵarysh qoqystary aınalyp júr.
Sonyń 3999-y AQSh-qa tıesili bolsa, Reseı ǵarysh kemelerinen 3961 iri qoqys shyqqan, 3475 bólshek Qytaı ushyrǵan zymyrandardyń qaldyǵy.
Sarapshylar Jer aınalasyndaǵy ǵaryshtyń lastanýy «Kessler sındromyna» ákep soqtyrýy múmkin. Ǵalym kessler ǵaryshtyń lastanýynan bolashaqta Jer orbıtasyna spýtnık nemese basqa da ǵarysh apparattaryn shyǵaratyn keńistik qalmaıdy dep boljaǵan bolatyn.
