BAQ saýaldaryna jaýap bermeıtin sheneýnikterdiń eńbekaqysy kemıdi
Atap aıtqanda, memlekettik qyzmetkerlerdiń eńbekaqysy buqaralyq aqparat quraldarynyń saýaldaryna jaýap berý jaǵdaıyna baılanysty bolady.
«Qyzmet tıimdiligin baǵalaýdy bonýstyq-baldyq júıege baılanystyramyz. ıAǵnı eger de ol jaýap bermese, onyń reıtıngi tómendeıdi, sáıkesinshe eńbekaqysy da azaıady. Bizde aqparatqa qol jetkizý zańy bar, onda memorgandar qyzmetiniń tıimdiligin baǵalýdy eskeretin bólim qamtylǵan. Basshysy qyzmetkerdiń jumysyndaǵy tıimdiliktiń negizgi kórsetkishin qaraıtyn bolady. Krıterıılerdiń biri retinde BAQ-pen jumys bolady. Sonymen qatar ol ony qyzmetinen de bosata da alady»,-dedi mınıstr Parlament Májilisindegi jalpy otyrys barysynda tilshiler saýalyna jaýap berý kezinde.
Osy másele boıynsha tilshiler qaýymy keı kezderde memlekettik organdar BAQ saýaldaryn nazardan tys qaldyratynyn atap ótti.
Óz kezeginde D. Abaev «resmı ókil» uǵymy engizilip jatqanyn, resmı ókil óz jumysynda BAQ-pen jumysqa tikeleı jaýap beretinin túsindirdi.
Budan bólek, mınıstr buqaralyq aqparat quraldary saýaldaryna jaýap berý merzimin qysqartý qarastyrylyp jatqanyn sóz etti.
«Qazir talqylyp jatyrmyz. Bir aptanyń ishinde belgili bolady»,- dep túıindedi sózin mınıstr.
Májilis depýtattary «Qazaqstan Respýblıkasynyń keıbir zańnamalyq aktilerine aqparat jáne kommýnıkatsııalar máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Budan buryn habarlanǵandaı, QR Aqparat jáne kommýnıkatsııalar mınıstri Dáýren Abaev memlekettik organdardyń jýrnalısterdiń suraýyna jaýap berý merzimine qatysty pikir bildirdi.
