BAQ salasyndaǵy jańa tehnologııalardy ıgerýde kadrlardy oqytýǵa basymdyq beriledi - Mádenıet jáne aqparat vıtse-mınıstri
ASTANA. 5 qazan. QazAqparat - Buqaralyq aqparat quraldary salasyndaǵy jańa tehnologııalardy ıgerýde kadrlardy oqytýǵa basymdyq beriledi.
Bul týraly búgin Astanada «Aqparattyq Qazaqstan - 2020» memlekettik baǵdarlamasynyń jobasy boıynsha qoǵamdyq tyńdaý kezinde Mádenıet jáne aqparat vıtse-mınıstri Arman Qyryqbaev málim etti.
«Astanadaǵy jańa teleortalyqty iske qosqan kezde joǵary tehnologııalar salasynda kadrlardyń jetispeýshiligi baıqaldy. Sebebi, bul jańa nysan sońǵy býyndy tehnologııamen jabdyqtalǵan»,-dedi vıtse-mınıstr.
Osy oraıda ol bul másele ózekti ekenin, baǵdarlama jobasy aıasynda biliktilikti arttyrýdy qarjylandyrý máselesi eskerilgenin jetkizdi. Budan bólek vıtse-mınıstr atalǵan jıyndaǵy usynystarǵa sáıkes QR Bilim jáne ǵylym mınıstrligimen kadr máselesin «Bolashaq» baǵdarlamasy boıynsha daıarlaý turǵysynda tıisti talqylaýlar júrgiziletinin atap ótti.
