BAQ salasyndaǵy Prezıdent syılyǵyna usynymdar qabyldanýda

ASTANA. QazAqparat -   2017 jylǵa BAQ salasyndaǵy Qazaqstan Prezıdentiniń syılyqtary men granttaryn alýǵa, sondaı-aq Alǵysyn jarııalaýǵa usynymdar qabyldaý jalǵasýda Bul týraly Aqordanyń baspasóz qyzmeti Feısbýkte habarlady.

Syılyqtar men granttar alýǵa kandıdatýrany BAQ, kásipodaqtar, qoǵamdyq birlestikter, memlekettik organdar usyna alady. Shyǵarmashylyq ujymdar Prezıdent Alǵysyn alýǵa úmitker bola alady.

1997-2016 jyldary   Prezıdent syılyǵyna BAQ salasynan 55 adam, grantty 59 jas jýrnalıs ıelendi.

Osy kezeńde Prezıdenttiń Alǵysy 38 shyǵarmashylyq ujymyna jarııalandy. Onyń ishinde 16- baspa basylymy, 15 - teleradıo kompanııa bar.