BAQ Reseı vıtse-premerine oqysta oq tıgenin habarlaǵanymen onyń ókili aqparatty joqqa shyǵardy
ASTANA. QazAqparat - Reseı Federatsııasynyń vıtse-premeri Dmıtrıı Rogozın tırde abaısyzda aıaǵyna oq atyp aldy. Oqys oqıǵadan soń vıtse-premer máskeýlik aýrýhanalardyń birinde emdelip jatyr, dep habarlady lifenews.ru «Interfaks» agenttigine silteme jasaı otyryp.
RF vıtse-premeri Dmıtrıı Rogozın Jańa Jyl qarsańynda aýrýhanaǵa tústi. Ol atýǵa jattyǵyp jatqan kezde tırde abaısyzda óz aıaǵyn atty. Onyń ómirine esh qaýip tóngen joq.
Bul týraly «Interfaks» óz aqparat kózderine silteme jasap habarlady.
Alaıda, osy aqparat Reseı BAQ-tarynda jaryqqa shyqqannan keıin vıtse-premer ókili Nıkıta Anısımov bul habardyń shyndyqqaı sáıkespeıtinin aıtty. Onyń habarlaýynsha, Dmıtrıı Rogozın sport oıyndarynda, naqtyraq aıtqanda, gandbol oıynap júrip jaraqattanǵan. «Ol jumysta, búgin jınalys ótkizdi. Aqparatty biz rastamaımyz. Ol ótken aptada gandbol oıynynda jaralanǵan, qazir onyń jaǵdaıy jaqsy», - dedi N.Anısımov.
