BAQ: Reseı, Venesýela, Saýd Arabııasy jáne Katar elderiniń munaı boıynsha kezdesýi naýryzda ótedi

ASTANA. QazAqparat - Reseı, Venesýela, Saýd Arabııasy jáne Katar naýryz aıynda munaı baǵasyn talqylaý úshin kezdesýge ýaǵdalasty. Bul týraly Venesýelanyń munaı jáne ken rýdasy ónerkásibi mınıstri Eýlohıo del Pıno jergilikti TV efırinde málim etti, dep habarlady Bloomberg.

Ol sondaı-aq munaı óndirýshi elder kezdesýiniń orny ázirge talqylanyp jatqanyn aıtty. Sonymen qatar bul elder jáne Reseı shilde aıynda taǵy da kezdesip, munaı óndirý deńgeıin tejep, ustap turý onyń baǵasyna qalaı áser etetinin baǵalaý úshin kezdesýdi josparlaýda, dep jazady TASS.

«Munaıdy naryqqa burynǵy kólemde shyǵarýǵa bolmaıdy. Eger bul jaǵdaı saqtalatyn bolsa, onda biz munaı baǵasynyń ábden kúıreýine dýshar bolamyz», - dedi del Pıno.

Qazirgi kezde munaıdy eksporttaıtyn jetekshi eldermen munaı óndirýdi tejep ustaý múmkindikteri jóninde kelissózder ótkizilýde.