BAQ: Reseı Tramp ákimshiligin Astanadaǵy kelissózderge shaqyrdy
ASTANA. QazAqparat - Reseı AQSh-tyń saılanǵan prezıdenti Donald Tramptyń ákimshiligin Astanada ótetin Sırııa kelissózderine shaqyrdy. Bul týraly The Washington Post derekkózine silteme jasap habarlaıdy.
Shaqyrý 28 jeltoqsan kúni Tramptyń bolashaq ákimshiligine jetkizilgen edi. Reseıdiń AQSh-taǵy elshisi Sergeı Kıslıak Tramptyń ulttyq qaýipsizdik boıynsha keńesshisi Maıkl Flınnge qońyraý shalǵan, dep jazady basylym.
Derekkóz habarlaǵandaı, Tramptyń ákimshiligi kezdesýge kelý týraly sheshimdi ázirge qabyldaǵan joq.
Eske sala keteıik, Qazaqstan astanasynda 23 qańtar kúni sırııalyq retteý boıynsha kezdesý ótkizý josparlanýda. Kelissózge sırııalyq bılik pen oppozıtsııa ókilderi, sondaı-aq Iran, Reseı, Túrkııa jáne BUU ókilderi qatysady. Shıelenisti retteý týraly jol kartasy qysqa merzimde qabyldanady dep kútilýde.
