BAQ pen saıası partııalardyń ózara qarym-qatynasyn jetildirý qajet - V.Abramov

ALMATY. Aqpannyń 15-i. QazAqparat /Ádilet Musahaev/ - Alǵash ret Qazaqstanda qoǵamdyq ınstıtýt mass-medıanyń saıası partııalar jaıly habar taratý qyzmeti men saıası birlestikterdiń aqparat kózi retinde jumystar atqarýyna taldaý júrgizdi.

Taldaýdy Konrad Adenaýer atyndaǵy qordyń qoldaýymen MediaNet Halyqaralyq jýrnalıstıka ortalyǵy júzege asyrǵan. Bul jaıynda búgin ótken baspasóz máslıhatynda aıtyldy, dep habarlaıdy QazAqparat.

Zertteý qorytyndysy boıynsha, Qazaqstandaǵy saıası partııalar men BAQ-tyń qarym-qatynasy tıimdi túrde ornatylmaǵanyn kórsetken. Saıası partııalar mass-medıany qyzyqty da qajetti aqparatpen qamtamasyz ete almaıdy, dep atap ótti MediaNet Halyqaralyq jýrnalıstıka ortalyǵynyń dırektory Vıacheslav Abramov.