BAQ: Parıjde saýd hanzadasyn tonady
ASTANA. QazAqparat - Frantsýz astanasynda saýd hanzadasynyń kortejine qarýly shabýl jasaldy, dep habarlady ITAR-TASS.
Qaskóıler 250 myń eýro qolma-qol aqshany jymqyrǵan jáne avtomobıldi tartyp alǵan. Bul týraly búgin BFM-TV telearnasy jarııa etti. Saýdtyq korol otbasynyń qaı múshesi jóninde áńgime bolyp otyrǵandyǵy aıtylmaǵan.
Telearnanyń aqparatyna qaraǵanda, oqıǵa qaladan shyǵar jerde bolǵan. Saýd Arabııasy elshiliginiń avtomobıline avtomatpen qarýlanǵan birneshe adam shabýyl jasaǵan. Aqshadan basqa olar dıplomatııalyq mıssııanyń qujattaryn jáne hanzadanyń jeke zattaryn alyp ketken. Polıtsııanyń habarlaýynsha, qarý qoldanylmaǵan, zardap shekkender joq. Shabýyl jasaǵandar iz jasyrǵan. Oqıǵany tekserý amaldary bastaldy.
Parıjdiń soltústik sheti arqyly Rýassı-Sharl-de jáne Le-Býrje áýejaılaryn jalǵastyratyn kúrejol ótedi, bul jerde budan buryn da osyndaı aty-shýly oqıǵalar bolǵan.
