BAQ oryn alǵan jaǵdaı týraly halyqty barynsha obektıvti aqparattandyrýy qajet - D.Myńbaı
ASTANA. 3 qazan. QazAqparat - Buqaralyq aqparat quraldary oryn alǵan jaǵdaı týraly halyqty barynsha obektıvti aqparattandyrýy qajet. Bul týraly búgin elordada ótken «Áleýmettik qaýipsizdik jáne BAQ» taqyrybyndaǵy semınar barysynda QR Mádenıet jáne aqparat mınıstri Darhan Myńbaı aıtty.
Onyń paıymynsha, búginde elimizde eńbek qarym-qatynastarymen baılanysty kıkiljińdi jaǵdaılardyń aldyn alýda jáne ony eńserýde aıtarlyqtaı tájirıbe jınaqtalǵan. «Jumyspen qamtý - 2020», «Bıznestiń jol kartasy - 2020» syndy memleketter baǵdarlamalar jumys istep, jeńildikpen nesıeler bólinýde.
«Bul oraıda men buqaralyq aqparat quraldary oryn alǵan jaǵdaı týraly halyqty barynsha obektıvti aqparattandyrýy, memleket jumysynyń logıkasyn túsindirýi, eldiń árbir azamatyna naqty aqparattyń jetýi, halyqpen keri baılanysty júzege asyrýy qajet dep sanaımyn», - dedi D.Myńbaı.
