BAQ: OPEK kelissózderi Máskeýde ótýi múmkin

ASTANA. QazAqparat - OPEK uıymynyń kartelge kirmeıtin eldermen kelissózderi 10 jeltoqsan kúni Máskeýde ótýi múmkin, dep habarlaıdy Bloomberg osy máseleden habary bar derekkózine silteme jasaı otyryp.

Osyǵan deıin talǵan kelissózderdi OPEK ókilderi Dohada ótkizbek dep habarlanǵan bolatyn.

«Reseı men OPEK atalmysh uıymǵa kirmeıtin memlekettermen kelissózder ótkizetin oryn men ýaqyt máselesin talqylaýda. Eń yqtımal baǵyttardyń biri Máskeý bolyp otyr. Taraptar jıyndy Reseı astanasynda 10 jeltoqsan kúni ótkizbek»,-dep habarlady agenttikke suhbat berýshi.

Atalmysh materıal jarııalanardyń aldynda Energetıka mınıstrligi RBK tilshisiniń saýalyna jaýap bermedi. Alaıda, tilshige reseılik delegatsııadaǵy derekkóz kelissózderdiń ótetin orny men ýaqytyna baılanysty naqty sheshim joq ekendigin habarlady.

«OPEK uıymyna kirmeıtin eldermen kelissózder ótkizetin birneshe oryn qarastyrylýda. Olar úsheý: Máskeý, Vena, Doha. Olardyń eń jaqyny Vena»,-dedi RBK-ǵa suhbat berýshi.

Ol sonymen qatar kelissizder ótkiziletin merzim retinde 9-10 jeltoqsan aralyǵy talqyǵa túsip jatqandyǵyn aıtty. OPEK músheleri Venada 30 qarasha kúni munaı óndirý kólemin kemitý máselesin kelisti. Jalpy alǵanda karteldiń kúshimen uıymǵa kirmeıtin munaı óndirýshi elderge munaı óndirý kólemin táýligine 1,2 mln barrelge azaıtyp 32,5 barrelmen shekteý týraly másele qoıylmaq.