BAQ: Ollandtyń shashtarazy aı saıyn shamamen 10 myń eýro alady
ASTANA. QazAqparat - Frantsýzdyq BAQ prezıdent Fransýa Ollandtyń jeke shashtarazynyń jalaqy kólemin jarııalady. Belgili bolǵandaı, ony mınıstrlerdiń tabysymen salystyrýǵa bolady.
Le Point jazǵandaı, Olıve B. esimdi shashtaraz aı saıyn 9 myń 895 eýro paıda tabady. Atap ótý kerek, el úkimeti músheleriniń jalaqysy 9 myń 940 eýrony, al memleket basshysynyń tabysy 14 myń 999 eýrony quraıdy.
Shashtarazdyń mindetteriniń ishinde memleket basshysyna kerek kezde qasynda bolyp, saparlarda birge júrýi bar. B. Olıvemen bes jyldyq kelisimshartqa 2012 jyldyń mamyrynda qol qoıylǵan. Oǵan Elıseı saraıy keńsesiniń dırektory qol qoıdy. Bul ýaqytta shashtaraz tabysy 593 myń 700 eýrony quraıdy. Sonymen qatar ol turý úshin járdemaqy alady jáne januıaǵa arnalǵan artyqshylyqtardy paıdalanady, dep jazady sheteldik BAQ.
