BAQ ókiline aýzyn qısaıtqan sýdıanyń áreketi tekseriletin bolady
ShYMKENT. KAZINFORM- Áleýmettik jelide taraǵan vıdeodan Shymkent qalalyq sotynyń sýdıasy Ábinur Qarabaevtyń BAQ ókiline qarap aýzyn qısaıtqanyn kórýge bolady.
Shymkent qalalyq sotynyń baspasóz qyzmeti sýdıanyń áreketine zańnama talaptaryna sáıkes qyzmettik tekserý taǵaıyndalatyn habarlady.
- Shymkent qalasy ákiminiń orynbasaryna qastandyq jasaýǵa qatysty qylmystyq isti qaraý barysynda tóraǵalyq etýshi sýdıa Ábinur Qarabaevtyń áreketteri Sýdıalyq ádep kodeksin buzý-buzbaý turǵysynan tekseriledi. Onyń qorytyndysy boıynsha materıaldar sýdıa ádebi jónindegi komıssııanyń qaraýyna shyǵarylady. Eger sýdıanyń ar-namysyna daq túsiretin teris qylyq jasaǵany rastalsa, materıaldar Joǵary sot keńesi janyndaǵy sot alqasyna joldanady – delingen aqparatta.
Sondaı-aq, Shymkent qalalyq sotynyń baspasóz qyzmeti qandaı jaǵdaı bolmasyn, sýdıalar kásibı ádep normalaryn qatań saqtap, qoǵamnyń sot júıesine degen seniminiń joǵary deńgeıin qamtamasyz etýge mindetti ekendigin jetkizdi.
Aıta keteıik, budan buryn Rýslan Berdenov isinde prokýror aıypkerge 11 jyl 3 aı bas bostandyǵynan aıyrý jazasyn taǵaıyndaýdy suraǵanyn jazǵan bolatynbyz.