BAQ ókiline aýzyn qısaıtqan sýdıaǵa qandaı jaza qoldanylǵany belgili boldy

ASTANA. KAZINFORM — Shymkent qalasynyń qylmystyq ister boıynsha mamandandyrylǵan aýdanaralyq sotynyń sýdıasy Ábinýr Qarabaevqa qatysty tártiptik is boıynsha Sýdıalar jıýrıi sheshim shyǵardy, dep habarlaıdy Kazinform tilshisi.

Joǵary sot keńesiniń Sýdıalar jıýrıi otyrysynyń qorytyndysy boıynsha Ábinýr Qarabaev tártiptik jaýapkershilikke tartylyp, eskertý túrindegi tártiptik jaza qoldanyldy.

— Joǵary sot keńesiniń Sýdıalar jıýrıi sýdıalar qaýymdastyǵynyń táýelsiz tártiptik organy sanalady. Onyń mindeti — sýdıalarǵa «qatań jaza qoldaný» emes, tıimdi tártiptik sharalardy qoldaný arqyly olardyń jaýapkershiligin arttyrýǵa jáne sot protsesi qatysýshylarynyń sýdıalarǵa degen senimin nyǵaıtýǵa yqpal etý. Sýdıalar jıýrıi tártiptik protsestiń zańdylyǵy men ádildigin qamtamasyz etedi, sondaı-aq sýdıalardyń táýelsizdigine kepildik beredi, — dep habarlady Joǵary sot keńesinde.

Aıta keteıik, tekserý vıdeojazbadan bastalǵan bolatyn: sot zalynda burynǵy Shymkent ákiminiń orynbasaryna qatysty is boıynsha tóraǵalyq etken sýdıa jýrnalıske tilin kórsetken.

Keıinnen Sot ádebi boıynsha komıssııa tekserý materıaldaryn Sýdıalar jıýrıine joldady.

Materıaldardy qarap shyqqan Sýdıalar jıýrıi tártiptik isti qabyldap, sońǵy sheshim otyrys qorytyndysy boıynsha qabyldanatynyn málimdedi.