BAQ ókilderine arnalǵan halyqaralyq jýrnalıstıka jáne kommýnıkatsııalar jazǵy mektebi ótedi

ASTANA. KAZINFORM – 2025 jylǵy 25-27 shildede QR Mádenıet jáne aqparat mınıstrligi BUU-nyń Qazaqstan Respýblıkasyndaǵy aqparattyq bıýrosy (Jahandyq kommýnıkatsııalar departamentiniń ókildigi) jáne Ortalyq Azııa jýrnalıstik zertteýler qaýymdastyǵymen birlesip, «Medıa jáne turaqty damý: Ortalyq Azııanyń bolashaǵy» atty halyqaralyq jýrnalıstıka jáne kommýnıkatsııalar jazǵy mektebin uıymdastyrady.

QR Mádenıet jáne aqparat mınıstrligi málimetinshe, baǵdarlamada Ortalyq Azııa elderiniń medıa jáne kommýnıkatsııalar salasyndaǵy sarapshylardyń qatysýymen master-klastar, medıa-praktıkýmdar, paneldik pikirtalastar josparlanǵan. Týrızm jáne ekologııa baǵyttardaǵy salalyq jýrnalıstıkany damytý, jalǵan aqparatqa qarsy sharalar, kásibı standarttardy nyǵaıtý máselelerine erekshe nazar aýdarylatyn bolady.

Mektepke Qazaqstan, Qyrǵyzstan jáne Ózbekstan ýnıversıtetteriniń stýdentteri, magıstranttary, PhD-doktoranttary jáne jýrnalısteri qatysady.

Іs-shara Qazaqstan Respýblıkasy Mádenıet jáne aqparat mınıstrliginiń Halyqtyń medıasaýattylyǵyn jáne medıa salasy mamandarynyń biliktiligin arttyrýdyń 2025 jylǵa arnalǵan jospary sheńberinde iske asyrylady.

Іs-sharanyń ótetin orny: ál-Farabı atyndaǵy QazUÝ-dyń sporttyq-saýyqtyrý lageri, Ystyqkól, Bósteri kenti, Qyrǵyzstan.

- BAQ ókilderin kelesi silteme boıynsha tirkelip, is-sharaǵa qatysýǵa shaqyramyz, - delingen habarlamada. 

Ótken aptada álemdik medıa keńistikte Qazaqstanǵa qatysty jańalyq azaıǵan joq. Internet basylymdarda ekonomıkanyń 6,2 % ósim kórsetýi, Orta dálizdiń bolashaq áleýeti týraly aqparat jıi ushyrasty. Úkimet basshysynyń «Qazaqstan OPEK+ kelisiminen shyǵa ma?» degen saýalǵa bergen jaýaby, lýdomandarǵa psıhologııalyq kómek kórsetý jumysy da jazylypty. Tolyǵyraq Kazinform tilshisiniń sholýynan oqyńyz.