BAQ ókilderin sot otyrystaryna negizsiz qatystyrmaýǵa tyıym salynbaq
ASTANA. KAZINFORM – Búgin Joǵarǵy sot tóraǵasy Aslambek Merǵalıevtiń tóraǵalyǵymen joǵary sot organynyń kezekti jalpy otyrysy ótti.
Іs-shara barysynda Joǵarǵy sot sýdıasy Elena Maksıýta sot bıligi týraly normatıvtik qaýlylarǵa engizilgen ózgerister kassatsııalyq sot tóraǵasynyń azamattardy qabyldaýyn, BAQ ókilderiniń sot otyrystaryna qatysýyna negizsiz bas tartýyna tyıym salýdy, sotqa BAQ-tyń yqpal etetin áreketi úshin jaýaptylyq týraly «Mass-medıa týraly» Zańnyń 67-babynyń 2-tarmaǵyn engizýdi, sondaı-aq sýdıany tártiptik jaýaptylyqqa tartý úshin negizder qarastyratynyn atap ótti. Zańdy óreskel buzǵany úshin sýdıany tártiptik jaýaptylyqqa tartý týraly usynysqa qoıylatyn talaptar tolyǵyraq sıpattalǵanyn aıtty.
Munan bólek, Jekelegen normatıvtik qaýlylarǵa neke-otbasy qatynastary jáne alıment óndirý salasyndaǵy túzetýlerdi Joǵarǵy sot sýdıasy Rázııa Qýanyshbaeva tanystyrdy.
Onyń aıtýynsha, normatıvtik qaýlylar jobasynda erli-zaıyptylardyń birlesip satyp alynǵan múlikti bólý týraly talaptary boıynsha talap qoıý merzimin durys esepteý qajettiligi kórsetilgen. Alıment óndirýge qatysty birqatar ereje alynyp tastaldy.
Aıta keteıik, osy jyldyń 1 shildesinen bastap Astanada jańa kassatsııalyq sottar jumys isteı bastaıdy.