BAQ ókilderiniń mol tájirıbesi, biliktiligi men jaýapkershiligi qazaqstandyq jýrnalıstıkanyń izgi dástúrlerin odan ári jalǵastyrady - Q.Mámı
ASTANA. 27 maýsym. QazAqparat - QR Parlamenti Senatynyń Tóraǵasy Qaırat Mámı jýrnalısterdi kásibı merekelerimen quttyqtady. Senat spıkeri quttyqtaýyn óziniń jeke blogyna ornalastyrdy. QazAqparat quttyqtaý mátinin taratady.
Qurmetti jýrnalıster, Sizderdi baılanys jáne aqparat salasy qyzmetkerleriniń kúnimen quttyqtaımyn!
Qazaqstandyq buqaralyq aqparat quraldary memleketti damytý baǵdarlamasyn tabysty oryndaýǵa, qoǵamdaǵy turaqtylyqty nyǵaıtýǵa, elimizdiń halyqaralyq bedelin arttyrýǵa qomaqty úles qosyp keledi.
Ásirese, parlamenttik tilshilerge rızashylyǵymdy bildirip, alǵys aıtqym keledi. Respýblıkanyń joǵary zań shyǵarý organynyń qyzmeti týraly shynaıy jáne tolyq aqparat qoǵamdaǵy quqyqtyq negizderdi nyǵaıtýǵa, azamattardyń quqyqtyq mádenıetin artyrýǵa yqpal etedi.
Buqaralyq aqparat quraldary ókilderiniń mol tájirıbesi, biliktiligi, óz isine jaýapkershilikpen qaraýy qazaqstandyq jýrnalıstıkanyń izgi dástúrlerin odan ári jalǵastyrýǵa qyzmet ete beredi dep senemin.
Sizderge zor densaýlyq, baıandy baqyt, shyǵarmashylyq tabystar tileımin!
