BAQ ókilderi arasynda tuńǵysh ret «BAQ lıga» birinshiligi ótedi
ASTANA. QazAqparat - Bıyl BAQ ókilderi arasynda tuńǵysh ret «BAQ lıga» birinshiligi ótedi, dep habarlaıdy QazAqparat tilshisi.
Alǵashqy básekeler 10 jeltoqsan kúni Almaty men Astana qalalarynda bastaý alady.
Almaty qalasy boıynsha «BAQ lıgany» uıymdastyrýǵa jaýapty Raýan Oqastyń aıtýynsha, qazirdiń ózinde 9 komandadan ótinish kelip túsken.
Olar: «Qalamger» «Bolashaq gazeti» «Nurly gol» «Talǵar gazeti» «Jetisý telearnasy» «Almaty telearnasy» «SDÝ jýrfak» «Prosport saıty» jáne «Qazaqstan telearnasy». «BAQ lıgaǵa» qatysýǵa ótinishter qabyldaý aıaqtaldy. Barlyq komanda 2 aı boıy ózara myqtyny anyqtamaq. ıAǵnı, «BAQ lıga» oıyndary 8 týrdan turmaq. Atalǵan birinshilikke beı-jaı qaramaı, atsalysyp jatqan komandalarǵa rızamyz. Ásirese, Almaty oblysynan qosylǵan «Jetisý telearnasyna», onyń basshysy Beısen Quranbekke rızamyz. Bul birinshiliktiń ótkenin burynnan qalap júrgender kóp bolatyn. Al onyń ótýine muryndyq bolǵan Astana qalalyq fýtbol federatsııasyna alǵysymyz sheksiz»,- deıdi uıymdastyrýshy Raýan Oqas.
Raýan Oqastyń aıtýynsha, Almaty qalasy boıynsha «BAQ lıganyń» jeńimpazyna arnaıy ázirlengen kýbok tabystalady. Atalǵan kýbok aýyspaly bolmaq. ıAǵnı, kelesi jyly qaıta sarapqa salynatyn bolady. Sondaı-aq úzdik úshtikke kirgen komandalarǵa medaldar men baǵaly syılyqtar tabys etiledi.
Al «BAQ lıgaǵa» qatysatyn tanymal jýrnalısterdiń qatarynda Amankeldi Seıithan, Janarbek Áshimjan, Sraıyl Smaıyl, Esbolat Aıdabosyn, Jandos Aıtbaıuly sııaqty azamattar bar.
