BAQ ókilderi arasynda sybaılas jemqorlyqqa qarsy taqyryptaǵy úzdik jýrnalıstik jumystarǵa baıqaý jarııalandy
ASTANA. QazAqparat - Qazaqstan Respýblıkasynyń Memlekettik qyzmet isteri mınıstrligi sybaılas jemqorlyqqa qarsy taqyryptaǵy úzdik jýrnalıstik jumystarǵa baıqaý jarııalaıdy, dep habarlady vedomstvonyń baspasóz qyzmeti.
Baıqaý qoǵamda sybaılas jemqorlyqqa qarsy mádenıetti qalyptastyrýǵa, sybaılas jemqorlyqqa tózbeýshilikti kórsetetin qundylyqtar júıesin saqtaýǵa jáne nyǵaıtýǵa baǵyttalǵan.
Baıqaýǵa qatysý úshin 2016 jylǵy 1 qańtardan 1 maýsymǵa deıin jarııalanǵan nemese efırge shyqqan materıaldar, sondaı-aq jarııalanymdar tsıklderi qabyldanady. Baıqaýǵa usynylatyn jumystardyń sany shektelmeıdi.
Materıaldar kazaq nemese orys tilderinde tómendegi atalymdar boıynsha qabyldanady:
- «Úzdik televızııalyq jumys»;
- «Úzdik baspa jarııalanymy»;
- «Úzdik ınternet jarııalanymy».
Baıqaý komıssııasy qatysýshylardyń materıaldaryn 2016 jyldyń 1 maýsymyna deıin qabyldaıdy. Baıqaýdyń nátıjesi qujattar qabyldaý rásimi aıaqtalǵannan keıin qorytyndylanatyn bolady.
Baıqaýdyń nátıjesin qorytyndylaý kezinde mynalar eskeriletin bolady:
- materıaldardyń ózektiligi jáne kórsetilgen taqyrypqa sáıkestigi;
- máseleni taldaýdyń jańashyldyǵy men tereńdigi, onyń sybaılas jemqorlyqqa qarsy mádenıetti qalyptastyrýǵa áseri;
- mazmundaý stıli;
- avtorlyq tujyrymdamany berý máneri jáne derbestigi.
Baıqaýǵa qatysý úshin materıaldar kelesi meken-jaı boıynsha qabyldanady: 010000, Astana qalasy, Qazaqstan Respýblıkasynyń Memlekettik qyzmet isteri mınıstrligi, Abaı dańǵyly, 33a, 12-qabat, 1205 kabınet, tel.: +7 (7172) 75-34-08, 75-34-53, sot: +77027437177.
BAQ ókilderi úshin sybaılas jemqorlyqqa qarsy taqyryptaǵy úzdik jýrnalıstik jumystarǵa baıqaý týraly Erejemen https://kyzmet.gov.kz/ru/news/polozhenie-o-konkurse-dlya-predstaviteley-sredstv-massovoy-informacii-na-luchshie silteme boıynsha boıynsha tanysýǵa bolady.
