BAQ ókilderi arasynda S. Berdiqulovty eske alýǵa arnalǵan shaǵyn fýtboldan dástúrli týrnır ótedi
ASTANA. QazAqparat - Qazaqstan Respýblıkasy Sport jáne dene shynyqtyrý isteri agenttigi osy jylǵy 9-10 mamyrda Qazaqstannyń BAQ ókilderi arasynda kórnekti qoǵam qaıratkeri, jazýshy ári sport jýrnalısi Seıdahmet Berdiqulovty eske alýǵa arnalǵan shaǵyn fýtboldan dástúrli respýblıkalyq týrnır ótkizedi, dep habarlaıdy vedomstvonyń baspasóz qyzmetinen.
«Bul týrnır 1995 jyldan beri ótip keledi jáne jyl sanap ınternet-portal, gazetter, jýrnaldar, radıo jáne televızııa qyzmetkerleri arasynda onyń tanymaldylyǵy arta tústi. Aldymen S. Berdiqulov memorıalyn Qazaqstan Respýblıkasy Baılanys jáne aqparat mınıstrligi uıymdastyrdy. 2008 jyldan bastap atalǵan jarystardy Qazaqstan Respýblıkasy Týrızm jáne sport mınıstrligi ótkizip keledi. Dene shynyqtyrý jáne sport salasyndaǵy ýákiletti organ 1995 jyldan bastap BAQ-ta sport taqyrybynda mamandanǵan Qazaqstan jýrnalısteri arasynda S.Berdiqulov atyndaǵy syılyqqa respýblıkalyq konkýrs jarııalap, ótkizip júr.
Bul týrnır dástúrli túrde Almaty qalasynda S. Berdiqulovtyń týǵan kúninde 9 mamyrda ótetin. Bıylǵy jyldan bastap memorıaldy Astanada ótkizý týraly sheshim qabyldandy, Sebebi ortalyq BAQ osynda jáne fýtbolshy qyzmetkerler de osynda jumys isteıdi. Sonymen birge, bul jarysqa óńirlik basylymdardyń ókilderi de qatysady dep kútilýde. Qatysýshylardyń jaǵrafııasy jyldan jylǵa kóbeıip keledi.
2014 jyldyń týrnırine zor úles qosqandar: «Astana-1964» fýtbol klýby, Qazaqstan fýtbol federatsııasy, Qazaqstan sporttyq baspasózi qaýymdastyǵy, «Astana-Arena» stadıony men «Ulttyq shtattyq komandalar jáne sport rezervi dırektsııasy» RMQK qoldaý kórsetti.
Jarysty uıymdastyrýshy - Qazaqstan Respýblıkasy Sport jáne dene shynyqtyrý isteri agenttigi», - dep jazylǵan habarlamada.
