BAQ ókilderi arasynda «Ǵajaıyp Býrabaı» atty baıqaý jarııalandy

ASTANA. QazAqparat - Aqmola oblysynyń ákimi Málik Myrzalın BAQ ókilderi arasynda «Ǵajaıyp Býrabaı» atty baıqaý jarııalady, dep habarlaıdy «QazAqparat» HAA tilshisi.

«Búgingi kúni Ortalyq kommýnıkatsııalar qyzmetiniń platformasyn paıdalana otyryp, men Aqmola oblysynyń týrıstik áleýetiniń úzdik nasıhaty úshin BAQ ókilderi arasynda baıqaý jarııalaımyn. Baıqaý bes nomınatsııa boıynsha ótedi. Baıqaýdyń jeńimpazyna 500 myń teńge, ekinshi orynǵa 300 myń teńge jáne úshinshi oryn úshin 200 myń teńge kóleminde arnaıy ákimniń tabystalady. Barlyǵyn osy baıqaýǵa qatysýǵa shaqyramyn!», - deıdi Málik Myrzalın OKQ-da ótken baspasóz máslıhaty barysynda.

Baıqaý «Úzdik telebaǵdarlama», «Basylymdaǵy úzdik maqala», «Úzdik radıobaǵdarlama», «Úzdik ınternet jarııalanym» boıynsha jumystar qabyldanady. Baıqaýdyń qorytyndysy kelesi jyly «Týrızm» kúni jarııalanady.