BAQ ókilderi arasynda azamattyq qoǵam taqyryby boıynsha baıqaý ótedi
ALMATY. 12 mamyr. QazAqparat /Erlik Erjanuly/ - «Perspektıva» qoǵamdyq qory jýrnalıster arasynda azamattyq qoǵam taqyrybyndaǵy úzdik jarııalanymdarǵa baıqaý jarııalady.
Baıqaý Mádenıet mınıstrliginiń tapsyrysy boıynsha áleýmettik-maǵynaly jobalar aıasynda júzege asyp otyr. Maqsat - dinaralyq suhbatty kúsheıtý, tózimdilik, jalǵan dinı uıymdardyń qyzmetterininiń profılaktıkasy jáne ekstremızm men lańkestik máselesine qoǵamnyń nazaryn aýdarý. Oǵan 1 qańtar men 1 qyrkúıek aralyǵynda respýblıkalyq, oblystyq jáne aýdandyq merzimdi basylymdar men teleradıo efırininde qazaq jáne orys tilderinde shyqqan ujymdyq jáne jeke jumystar qabyldanady. Onda jeńimpazdar: «Qazaq tilindegi gazet-jýrnaldardaǵy eń úzdik jarııalanym», «Orys tilindegi gazet-jýrnaldardaǵy eń úzdik jarııalanym» , «Qazaq tilindegi eń úzdik teledıdar materıaly», «Orys tilindegi eń úzdik teledıdar materıaly», «Qazaq tilindegi eń úzdik radıomaterıaly», «Orys tilindegi eń úzdik radıomaterıaly» atalymdary boıynsha aqshalaı júldelermen jáne dıplomdarmen marapattalady. Onda ózge úmitkerler arnaıy dıplom men estelik syılyqtarmen marapattalady dep josparlanýda. Oǵan quramyna belgili jýrnalshylar, jýrnalıstik uıymdar men memlekettik qurylymdardyń jáne úkimettik emes uıymdardyń ókilderi engen qazylar alqasy tórelik jasaıtyn bolady.
