BAQ: Obama sırııalyq bosqyndy óziniń jylsaıynǵy sońǵy joldaýyna shaqyrdy
ASTANA. QazAqparat - AQSh Prezıdenti Barak Obama sırııalyq bosqyn Rıfaı Hamony 12 qańtarda sóıleıtin «Eldegi jaǵdaı týraly» óziniń sońǵy jyl saıynǵy joldaýyna shaqyrdy, dep habarlady TASS USA Today gazetine silteme jasap.
Basylym Detroıtta turatyn 55 jastaǵy sırııalyq Memleket basshysynyń joldaýy kezinde eldiń birinshi hanymy Mıshel Obamamen qatar otyrady, dep atap ótedi. Hamo azamat soǵysy sharpyǵan Sırııadan 2013 jyly olardyń úıinde bomba túsip, otbasynan aırylǵannan keıin ketti. Ǵalym áýeli Túrkııaǵa attandy, al ótken jyly AQSh bıligi oǵan bosqyn mártebesin bergennen keıin Detroıtqa keldi.
USA Today osylaısha Obama sırııalyq bosqyndardy qabyldaýǵa úzildi-kesildi qarsylyq bildirip otyrǵan AQSh kongresindegi kópshilik daýysqa ıe respýblıkandyqtarǵa qarsylyǵyn bildirýde. Máselen, budan buryn Alabama jáne Tehas bılikteri osy ştattardyń aýmaǵyna bosqyndardy odan ári ornalastyrýdy toqtatý maqsatynda federaldyq úkimetke talap-shaǵym bergen bolatyn. Ótken jylǵy 13 qarashada Parıjde lańkestik akti jasalyp, 130 adam onyń qurbany bolýy «Islam memleketi» lańkestik uıymynyń sodyrlary bosqyndarmen birge elge kelýi múmkin degen qaýip bildirýde.
Eldiń 30-dan astam shtatynyń bıligi qonystanýshylardy óz aýmaqtarynda orynalastyrýdan bas tartatynyn málimdedi. Ótken jyldyń qyrkúıek aıynda Aq Úıdiń baspasóz hatshysy Djoshýa Ernest AQSh 2016 jyly kemińnde 10 myńǵa tarta sırııalyq bosqyndardy qabyldaýdy josparlap otyrǵanyn habarlaǵan bolatyn. Sırııadaǵy qarýly qaqtyǵystar bastalǵaly AQSh 1,5 myńǵa jýyq osy eldiń bosqyndaryn ornalastyrdy.
Amerıkandyq prezıdentter jyl saıynǵy joldaýlarynda eldegi jaǵdaıǵa óziniń paıymdaýlaryn baıandaıdy, ishki jáne syrtqy saıasattyń basymdyqty baǵyttaryn belgileıdi. Sóılenetin sózdiń negizgi bóligi dástúrli túrde ekonomıkalyq jaǵdaıǵa arnalady. Prezıdent joldaýyn Kongrestiń qos palatasynyń birlesken otyrysynda Joǵarǵy sot sýdıalarynyń, Shtab bastyqtarynyń birikken komıtetiniń músheleri men Kabınet músheleriniń qatysýymen jarııalaıdy. Ádette sóılenetin sóz bir saǵattan aspaıdy.
