BAQ: Nıtstsadaǵy terakt qurbandarynyń sany 84-ke jetti

Bul málimetti AFP óziniń Tvıtterdegi paraqshasynda Frantsııa ishki ister mınıstrliginiń málimetterine súıene otyryp jarııalady. 

Eske sala keteıik, beısenbi kúni keshke Nıtstsa jaǵalaýynda Bastılııa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan.

Shabýyl saldarynan osyǵan deıin 80 adam qaza tapty dep habarlanǵan, onyń ishinde balalar bar, taǵy 18-i aýyr jaraqat aldy, 100-den astamy jaraqattandy.

Frantsııalyq BAQ júk kóliginen 31 jastaǵy Nıtstsa turǵynynyń jeke kýáligin tapqanyn, onyń frantsııalyqpen qatar Týnıs azamattyǵy bolǵanyn habarlady.

Júk kóliginiń júrgizýshisin polıtsııa atyp tastady. Kúsh qurylymdary onyń sybaılastarynyń bolǵanyn ne bolmaǵanyn anyqtap jatyr.